阿樂方舟的經驗30(040425)
訓左四個鐘,咁o岩又無啦啦醒左(慣性!?),起身去廁所,飲左杯水,再訓……
發夢,係夢中已經開始醒醒地,當我完全清醒自己發緊夢既時候,我企左係大廈高層,望落下面幾十層樓。
有d奇怪,點解我次次出體之前都要跳樓?我準備跳落去,穿過夢境,跳~~~~
離心力超勁,不過我唔驚,依家仲覺得好high,好爽~~~d風壓攪到我嘩嘩聲~~~呀……呀……呀……砰!!!
穿唔到夢境,我個靈撞左落地,我以為會好痛,點知原來乜感覺都冇,靈魂不滅真係無敵~~~
攪咁多野,原來我一早出左體~~~@_@"(妖!!)我起番身,不停唸:「我要睇清楚,我唔要幻相。」
鏡頭一轉,我去左一個好似南丫島既鄉間,右手邊係成個樹林,中間一條路,d環境有d迷幻,好似迷幻樹林……
行左一陣,有兩隻非人形物體係度打鬥,因為唔係人類黎,唔識點形容,其中一個拎住把刀插另一個。
其實應該用隻黎形容……@_@"我見環境有d唔妥,於是口中密唸:「我要去昴宿星,我要去昴宿星……」
不過冇反應,瞬移唔到,再唸:「我要上月球,我要上月球……」點知都係唔得……
我再四圍望,見到天上面有一片黑暗,於是我飄上去,想穿過個黑洞,得左!!
環境變左,不過更加唔識形容,因為四圍都係橙色既欄杆,插晒係地下,冇路行,要行只可以行上欄杆度。
於是我好似小朋友係公園玩欄杆咁,行完呢條行果條,有時仲飛去另一條繼續……之後,我醒左……
醒左之後,一開眼,我其中一隻貓小雲眼仔碌碌咁望住我……嘩~~~俾佢嚇死~~~唔通佢一路守護住我出體?