阿樂方舟的經驗28(040418)
訓覺途中發夢，突然間又醒覺，好清楚自己發緊夢，望一望四週，原來係我阿爺屋企出面，即係上次出體報告既場景。我係電梯口，於是行出去天窗度，準備又"飛街"去出體。
我企上個欄度，望一望下面……嘩~~~點解今次咁鬼高，無底既高度，攪到我今次腳軟，唔敢跳。
企果陣又好似有d風力咁吹住我，吹到我想跌想跌咁，我開始暈暈地，於是攬住條欄，唔敢跳……(真失禮)
唔緊要，唔跳都可以出，只要有"心"。我合埋雙眼，想像自己心平氣和，冇耐，再開眼，個境像唔同晒。
直接出體了，skip左個出體過程，夢境消失晒。我企左係一個渡海碼頭度，夜景，左右兩岸有建築物，中間是個大海。海上有好多船，d船古靈精怪乜都有，我仲見到有隻海盜船，船頭有骷髏骨logo。所有東西都發光，有的有燈泡，有的有光管，乜都冇既都識發光，光暈果類，半透明，五顏六色，都幾東方之珠feel。
唔單只得船同建築物，空中仲有大魚係天空度飛舞，條魚仲大過隻船，又係半透明咁發著光輝，好靚！！
望完景，我開始嘗試改變境像，我合埋雙眼，再重整思緒，再開眼，d船又變晒樣，唔識形容，總之就變左樣。
我再合眼，心中想著陽光，再開眼，掂，陽光從黑暗中射出條光柱，不過整體上都仲係夜晚。
再合眼，心中乜都唔諗，再開眼，@_@"我企左係架船度，架船開始向海中心前進。
一邊企船，一邊吹下海風，都幾relax下，不過隻船好細，個size只夠我一個人企，椅都冇張……
之後隻船整左個「甩尾」，一野迫埋左去另一個馬頭度，@_@"咩船黎架~~~
我準備落船，見到碼頭有個著住看更衣著既阿伯係度打啊久，"洽"眼訓……準備離開之際，我聽到轟轟聲，隔離屋又黎玩電鑽，我頂，夠竟仲要裝修幾耐架~~~成個月啦~~~嗚嗚……。
p.s.今次出體令我學到樣野，就係，表面既影像可以由自己改變，但基本架構就改變唔到。
即係船可以有好多花款，每個人心中的船也有不同風格，但無論點變，骨子裏都仲係一隻船。
當然，亦有可能係我未夠level改變架構掛~~~暫時我只能改變自己個「心」，令「表像」改變。
不過我相信架構都可以改，看來我要繼續升level先得！！！