阿樂方舟的經驗21
話咁快又黎一次，廢話少講，今朝俾隔離屋個電鑽嘈醒，再訓過之後就……
發完夢之後半夢半醒，迷迷糊糊咁進入左俾鬼責狀態。即時驚醒，心中不停咁念：「我要睇清楚，我要睇清楚……」但係念左差唔多三分鐘，都係全黑畫面。
我頂！！！原來自己唔記得「離體」，一路都仲俾鬼責緊，唔怪得睇唔到野~~~haha
之後我又「模擬起身」，攪掂，出左體，又係見唔到野，於是我不停用手「抹」開個黑暗。心中又不停咁念：「我要睇清楚，我要睇清楚……」
得左~~~影像出現，我身在一個藍天白雲既海灘前面，隔離左右有好多人行黎行去。呢個水清沙滑既海灘，類似咩布吉島果o的~~~陽光與海灘。我見個海同o的沙咁鬼靚，於是我特登「仆」落o的沙同o的水度，拿起堆沙，嘩~~~好真實好鬼爽！！！勁有手感！！！
碌完地沙，我飛上少少，睇下有乜，見到有間類似公廁或者係更衣室既建築物。我穿入去，見到男廁同女廁，騎騎~~~我入女廁睇，見到好多女人赤祼祼。：p我再穿出去，對面有一座建築物係海邊，有幾層，最頂係酒吧，我穿左入去。入面差唔多爆棚，我四圍搵位，見到有一個位對面坐住個女仔，於是我飛埋去坐。
但我發現，果個女仔個樣好熟口面……原來係我舊女友個樣。我再望去另一方向，門口有兩個人入緊黎，係我以前o的女性朋友個樣。坐隔離枱既男仔，係我個朋友。除左呢幾個之外，其他人未見過，有一個阿婆個樣好似黃夏蕙……@_@"
我同個女仔傾偈，但當中有o的部份我唔記得晒，只係其中一段同男仔講野記得少少。個男仔話「我」以前係魔法師，死左差唔多百幾年。(相信係我既另一個版本)當時我想起魔法，唔知點解突然間好有自信咁同佢地講：「信唔信我變堆火出黎俾你地睇？」
於是我望出窗，意識諗著變堆火出黎……窗外既境像即刻改變，變左有一個城市，被火燒緊。果個貌似黃夏蕙既阿婆同我講：「咁就叫堆火呀~~~」於是我再對住窗口諗過，想像一舊隕石撞落地球，個影像出現一舊隕石撞擊，發出巨大既爆炸……。
突然間，果班人(靈)拍晒手掌，係咁嘩嘩聲。(我心諗，有乜咁驚訝！？)之後，我係一陣歡呼聲之中失去知覺，醒左，醒時係十二點正，精神飽滿。
ps.我玩onlinegame只會揀魔法師，唔知關唔關事呢？^_^
ps.今次最失敗係唔記得晒同佢地既對話，當時我係談得好起勁。@_@"
ps.斯維登堡本漫畫靈界，入面個引導靈有講過話可以用意念令心中所想投射於空中，佢叫做「表像顯現」。--^^