阿樂方舟的經驗20
前言：唔駛多講，又係俾貓貓嘈醒左幾次，我都唔記得我訓左幾多次囉…………
發完一個最後的夢，我開始訓醒，不過係俾鬼責咁醒，意識好清醒，望住個黑暗，我開始「模擬起身」，我起！！攪掂，我feel到自己出左體，不過眼前好黑睇唔到野。我一邊盲例牌動作：「我要清醒，我要睇清楚，我要清醒，我要睇清楚……」諗左差唔多十幾次，影像開始出現，我係一間屋入面，正方形既格局，好四正，中間有將正方形既摺檯，上面放滿垃圾，o的杯又唔洗，食完o的野又唔掉……好亂。見呢度冇乜好睇，我向住門口行，門口有個用一日撕一日既月曆，我立下眼見到224年。@_@"
我穿過度門出去，原來係一個屋苑，係走廊度見到好多住戶門口，我行過左兩三間，見有一戶度門幾靚，於是就穿左入去。入到去，有一個幾靚幾可愛既女仔，同一個阿媽型既女人係屋內。
我飛埋去問個女仔：「妳死左未？」(haha~~慣左問呢d問題！)
女仔：「死左！」
我話：「妳點死架？」
女仔：「俾人迫死！」
我心諗，迫死咁大獲？都係唔好再問。
佢阿媽要出去，個女仔都跟埋去，咁我又跟住佢兩個出左走廊。(中間有d三級成份，恕刪~~~：p)行完走廊之後，瞬間返番去間屋度，我又開始問問題。
我問：「呢度係咩年代？」
阿媽：「224年。」
我問：「224年即係幾多年？」(我對224年豪無頭緒)
阿媽：「你睇個日曆。」(指住電話隔離個日曆)
我行埋去睇，個阿媽一邊揭俾我睇，最頭果頁寫住224，揭呀揭，揭到最底果頁，寫住2000。
我心諗，嘩！個日曆可以用千幾年？勁！
我問：「妳係上面果陣係咩年代？」(望住個女仔問)
女仔：「2000年。」
於是我心諗，咁即係佢死左冇耐？
問完問題，我坐左係梳化度，我見到眼前影像俾頭髮遮住左，於是我用雙手撥起o的頭髮。個女仔見我咁樣，佢走去拎住個叉，行埋黎幫我梳頭……@_@"之後，我又因為feel到個喉嚨有o的野，知道夠鐘要返現實→瞬間醒左。