阿樂方舟的經驗19
一開波自己係土瓜灣上空，慣左一開波試下控制，上下左右冇問題，出發！！意念一起，想去旺角，但係個影像整極都係土瓜灣……唔去，意念一轉，不斷向下，通過黑暗，到左地底。
眼前所見，類似一間「pub」，有隊機械人夾緊band。有個小朋友問我：「你想食咩呀？」我答：「有冇熱狗？」，佢叫我問下老闆有冇，佢唔知有冇熱狗食。我再問佢：「你係咩人呀？」，佢答：「我係濕比城市人。」(冇聽錯，個發音真係咁叫……)之後有個帶眼鏡既老闆走出黎，問我係咩人，我答：「我既肉身仲係上面，但我落左黎。」個老闆話：「原來係咁，好少有喎！」佢之後講呢度係地獄。我問佢有冇魔鬼，佢話依家日光日白冇既。叫我如果想睇既話就「買飛」睇。個小朋友搭咀話：「即係一個籠困住o的魔鬼，人們買飛入場睇。」
我當時都不以為意，因為我見到，「吧」後面，竟然有部PS2，之後醒左……+_+"