阿樂方舟的經驗18
前言：五點鐘訓，俾貓攪醒，起身睇鐘係八點半。再訓，發夢，但唔記得咩夢，淨係記得自己突然間夢中清醒。於是命令自己離開夢境。跟住墮落黑暗，同king蛇一樣狀況，隻手，隻腳，同埋排牙震得好勁，唔知乜事。不過未離開隧道，貓貓一野跳上我個肉身度，醒左，之後再訓……
又發夢(不過又唔記得咩夢，淨係記得有四驅車)，又突然間清醒，知道自己發緊夢，又再命令自己唔要夢境，要睇清楚，要清醒。又墮落黑暗隊道，過隊道途中心諗：「過緊隊道呀∼∼快o的啦∼∼咪又踩上黎∼∼快o的過啦∼∼∼」
攪掂，眼前一片黑暗，feel唔到身體，俾鬼責況態，今次要自己郁。一個模擬起床既意識，成功起身出體。境像出現，我係一間屋入面，四圍堆滿雜物，冇乜空間感，似足公屋果o的屋企，雜物多個地方既屋企，但我feel到有「家」既感覺。我見到有個鐘，於是埋去睇下幾點，個鐘寫住2436年，12月24號，指針係兩點幾。我冇乜反應(好似見怪不怪)，穿窗花飛左出去，個窗花真係似足公屋果o的。出面係屋既後面，見到好多衫掠緊，見到好多水渠，不過個外牆係弧形既，圓柱形。中間有個圓柱形既天井，陽光係中間射入，我見到約五六隻貓係個天井度攤抖。其中兩隻係我依家養緊既「大咪」同「栗子」(貓名)，栗子比起依家大隻左好多，其他貓冇隻識。全部貓有一個共通點，就係o的毛都係啡色。我飛埋去摸完佢兩個，就想飛上去，不過，我feel到我隻手好痺，意識一出就已經彈返肉體，等個靈完全歸位之後，我醒左，發現我隻手唔知幾時舉起左，攪到冇血到而手痺。@_@……
後語：醒左之後係十二點，我出房坐係廳度回想，大咪走上黎我度，我抱起佢問：「正話果個係咪你黎架？」佢眼仔碌碌咁望住我，條尾擺下擺下。答案真係只有佢先知。^_^"