阿樂方舟的經驗 16
前言：訓覺訓到朝早八點，俾隻百厭貓嘈醒，起身去廁所，飲啖水再訓……
發夢，自己係舖頭入面，無啦啦有個明星－方力申入黎。我即刻醒覺，因為實在太假，我知我發緊夢。
我大叫：「夢境消失！！！」不過叫極個方力申仲係度……@_@"於是我唔理佢，穿過窗口，發現自己係幾十層樓高度。
我心諗：「今次去邊好呢?不如去日本，咁大個仔都未去過！！」於是我一邊想像著富士山，一邊想著去果度……
通過一個黑暗，到左。但我對眼好幪，睇唔到野，於是又命令自己要睇清楚，攪掂！！
見到一座三角形既山，山頂係白雪，呢個就係富士山？(其實唔多似)
望望四週，見到好多人(定靈！？)，有個日本FEEL既阿婆，有日本FEEL阿伯，仲有個女人唔著衫……@_@"汗……
我係山腳下面，想飛上山，但係我好似飛唔起……我用狗仔式游泳既招式去飛，但係只飛得幾米高，好累……
點解我今次飛唔起？冇計，心諗飛唔起就用瞬移，我不斷命令：「我要瞬移到山頂……我要瞬移……」
眼前黑左一黑，再睇番野，到左山頂。我係山頂條樓梯度，見到好多人，不過景色係夜晚，唔多夠光。
樓梯下面竟然見到一個水池，入面有D海洋生物係度游。山頂上面，有好多一幢幢既古蹟。俾D鐵絲網圍住。
行行下，有支石柱有幾個字刻住－獅子X.(唔識寫)突然間，一班人既視線向住夜空中望。
我又八下。嘩∼∼∼ufo？有五隻三角形既物體，物體下面有三個圓形，發光既，係度飛下飛下。
跟住仲離奇，果五隻野射出D光線落山頂，令到山頂著火，之後有幾個人跑出去D火度開始燒野食。睇到我呆左……@_@"之後我發現，欄杆度貼左張告示，內容如下：
「1984，目擊過案不斷增加」
「1996，本地被列為目擊地區」
我心諗咁我依家去左幾多年？我見個天越黎越黑，於是我試下自己可唔可以變堆火出黎照明。
我舉起隻手，想著我隻手現起一堆火，不過唔得，淨係見到自己手掌既影像「拿」埋一舊，幻下幻下咁變化……
之後，我又口乾咁醒左。個富士山一D都唔似富士山……