阿樂方舟的經驗14

www.out-of-body-guide.com

  發夢同班朋友係度拎把刀互插,跟住我諗:「點解我插極都唔死?」於是醒覺左。同一時間,好有離心力咁跌落一條黑色隧道……隔左一陣見到野,我係一個學校禮堂內,有班學生坐晒係度,應該係香港某間中學,因為我feel到佢地係香港人。

  我慢慢飄去一位女學生身邊,:p細心觀察,竟然俾我見到佢個肉身散發住一d氣,我見到一絲絲既氣從佢身上向上升,唔通呢d就係人體既「氣」?

  跟住我拎起自己透明既右手,掂去佢隻手度,發覺穿過左,但係,佢大叫一聲,之後四圍望,好驚咁走左去佢朋友隔離講:「唔知有乜野攪我……」

  於是我飛去第邊,掂佢個朋友,佢又嘩一聲……兩個人走左去好多人既地方宿埋一舊。其他同學望住佢兩個……我見我嚇親佢地,我向後飛,唔知點解,有張檯跌低左。

  一個男同學大叫「鬼呀~~~~」於是成班人雞飛狗走。我心諗係咪我整跌張檯?

  我見佢地走,於是我飛去跟住佢地,佢地有d就搵個位縮埋,有d就哩入廁所……

  我停飛,發覺我個靈體閃下閃下,有個男仔指住我大叫:「佢係呢度呀!」

  我心諗:「點解俾佢地見到既?」

  於是我飛去另一邊,一邊飛,一邊心有疑惑咁……漸漸失去意識……醒左。