阿樂方舟的經驗13
今朝成日俾喵喵嘈醒，訓完又醒訓完又醒，訓左幾次，心諗實出硬體。再訓，好快就進入狀況，後頸有D野必出黎咁，眼前黑畫面，嘗試郁動左右手，証實左唔係郁肉體既手之後，起身。隔左一陣，睇到野，我係一間屋既廳入面，向前進發，見到有個小妹妹坐係地度喊，佢隔離有條屍體伏左係地下，我心諗：「係咪流架~~~咁怪既？」於是我關閉視力不停唸：「唔要夢境唔要幻相……」
再開眼，發現四周圍境物原全一樣，小妹妹仲坐係條屍隔離喊。oh~~~堅野黎……
不過我冇理佢，繼續向前飛，穿左出牆，嘩~~~好高呀~~~我係離地最少六十層樓既高度上向下望。右手邊係正話幢大廈，左面又有一幢大廈，勁高，下面望見一個十字馬路口，好多車係度行。
不過我唔知邊度黎，但一定唔係現世環境，因為d樓實在高得可怕，高到唔見頂。我再細心咁望地面，竟然見到有一架穿梭機係地面離地不到兩米處沿地打轉飛行。隔離有條友係度手指指……突然，醒左，個喉嚨有D乾，吞左啖口水，繼續訓。
再訓，一訓就見到野，我係一個大廣場中間，四周環境又係不知名，有D中世紀感覺。
我起身，見到有個滿身肌肉既武僧係度練拳，佢d肉係黑色既……
另一個人，頭帶黑色魔法帽，著黑色袍，好神秘咁企係度……
另一班人，好似少林和尚咁，好年輕，係度集體練拳……
突然間，迎面而來一個少林主持咁既樣既阿伯，佢成身散發微光，雙手合什咁向我微笑鞠躬。我見佢咁有禮貌，我又回番個相同動作既禮俾佢。
之後……醒左，出體既野仲記憶猶新。
隔左一陣再訓，發左好多夢，不過好多都唔記得，只有片段記憶，我同果班少林和尚切磋武術。
我仲整傷左其中一個……@_@"
賽後檢討：有d後悔唔同個小妹妹同個阿伯講野。