阿樂方舟的經驗09
發左一輪三級夢，突然間覺醒，feel一下周圍環境，係土瓜灣紅蘋果隔離個公園仔。坐係度發呆左一陣，組織番D意識，有個賓妹樣既人行埋黎同我講野.(我投射出佢係賓妹樣？)
賓：「咦？你咁快就黎呢度？」
我：「o下？呢度邊度黎？(好似上次咁，我講既野D音走晒音咁……)
賓：「你2014年9月死。」
我：「？？？？？？？？？？？？？？？」
賓：「你2014年9月死，你咁快黎呢度做乜？」
我：「唔係呀？咁我點死？」
賓：「你嗜酒而死。」
我：「……(心諗：我都唔飲酒既……@_@")
之後越黎越多人行埋我度。
甲：「你2014年9月死。」
乙：「 你2014年9月死。」
丙：「 你2014年9月死……
我當時好混亂，俾佢地動搖到，我不斷咁喊……嗚嗚……喊左一陣，心情平復番，雙手合什咁坐係度，用意識去令自己平靜。(開始聽唔到佢地講野。)突然間，佢地向同一個方向走去，指住個天空V嘩鬼嘈。此時聽到個天有聲講緊野，但我當時仲掛住我會死果件事，而冇留意佢講乜。而且我唔想留係度，心諗都係番肉體，因為呢件事令我太驚訝。意念眨眼，但係試左幾次都返唔到去……心諗唔會呀？我真係死左？咁X大鑊？(真係粗口黎~~)
我行出馬路，望上個天，見到有一個金色既太陽，但個太陽一D都唔「殘」眼，仲見到佢好似用金屬造，古古怪怪。望完之後，黎料，我不斷墮落，勁離心力……安全返回肉體。@_@"
p.s.醒左之後，心裏有好多不明白。亦都懷疑自己係咪到時會死……勁奇怪……
永世難忘……