阿樂方舟的經驗08
呢幾晚都發著同一類夢，就係夢中既我去教導親友在夢中控制自己。上次同女友飛，今次同我細妹同我大佬一齊，我教佢地夢中控制佢地自己。教佢地飛同急降，係一次超快速下降，體驗左一次超勁跳樓機感覺之後，我醒覺左。(點解次次我出體前都會經過一種超勁離心力？
知道自己好清醒，發現自己搭緊巴士，於是我穿過車底，碌落車……例牌動作，命令自己唔要幻相，要睇清楚，影像閃左幾野，我係條馬路中間，四周圍既環境有D中環同金鐘既感覺，但又唔係好似。我一路係條馬路度行，一路個心諗：「今次極級清醒，發達囉，仲唔有排玩……嘩哈哈……」(真的，我自己係度笑)
之後又諗起去多次海洋公園，口中不停唸：「海洋公園……海洋公園……」影像震左幾下，到左，feel到海洋公園係我既左手邊，但係有幾幢樓阻鬼住……見到有個籃球場，有兩條友玩1 on 1，心諗去攪下佢地玩下。
我飛左上個籃板度等佢地射波，當佢地一射果陣我就用手阻住個籃唔俾佢地入~~~hehe……
佢地射黎射去都射唔入，突然間佢地見到我，用手指住我不停咁鬧，於是我緊係閃人啦~~~~
去左一個山坡，見到有個男人同個女人，個男人不停咁想攪個女人，於是我又攪埋一份(個女人好索)，攪左冇耐，個女人話：「唔好再攪啦~~~~」但係我係都要攪，攪左一陣，發覺唔對路，好似想返肉體咁，心諗：「大獲，要彈game……」彈返肉體，醒左……唉~~~次次都係一有慾念就好快彈返出黎……下次唔敢啦……