阿樂方舟的經驗06
發左一段自己不斷逃走既夢，最後去到一個窗口，當時拖住自己女友，我開始清醒咁同佢講：「跳落去，唔駛驚，我帶你飛！！」
兩個人一齊向下墮，離心力好強，又係似足跳樓機咁，跌到最低點，又再拋番上半空，之後不斷上升……
當時我有七分清醒，於是命令自己：「唔要幻相，我要實相！」，影像閃左一閃(女友不見了)，我穿過一度閘，見到鄭中基同埋張達明著晒警察制服坐係度，我問佢地：「你地坐係度有乜玩？」佢地話冇野玩，問番我玩緊乜，我同佢地講：「玩出體。」佢地話：「出軌？」我話唔係：「係出體。」佢地又話：「出仔？」我又話唔係：「係出體……」講左好耐，我發現我好似講親都「漏口」咁，講極都講唔到「出體」個音，不過最後佢地都明係「出體」。佢地問我：「你係咪一九四三年出世，咁咪死左好耐？」我話：「唔係，我一九七五年出世，我仲未死。」佢地話：「原來係咁……」之後我同佢地講：「你試下掂唔掂到我？」佢兩個輪流掂我隻手之後話：「掂唔到喎，冇感覺！！」佢地叫左另外一D明星輪流掂我，不過我唔知D明星叫乜名~~~@_@"(D二打六黎)其中有一個明星掂完我之後話：「掂到啦，有感覺呀！！」我就話：「係哩，有感覺！！」(當時我feel到我隻手有感覺)
我望出窗外，見到外面D景色會郁，我問佢地呢度邊度黎，佢話：「係架車入面。」之後我好似失去知覺咁，漸漸地返左肉身，feel到個肉身有D抖震，我唔敢郁住，等佢停晒先去醒。(完)
外傳：起身後，我女友相繼起身，我第一個問題就問佢：「你發夢見唔見到我？」佢話：「見呀，我見你係度！」我問：「你記唔記得我同你做過乜？」佢話：「唔記得晒啦，淨係記得你係度！」我問：「你唔記得我帶你飛咩？」佢話：「唔記得啦，淨係記得你係度！」
我：「……@_@」