阿樂方舟的經驗04

www.out-of-body-guide.com

  今朝發夢,同女朋友去行街。無啦啦走幾個童軍出黎,打左我女朋友幾拳,於是我還拖,用豹拳咪番佢地,打到佢地走晒。跟住沿路都發生D古靈精怪既事,不過唔記得左。我當時好有懷疑,點解咁多怪事?

  唔通發緊夢,於是我好似上次咁,向住個天大叫「我發緊夢呀~~~~~~」。都未叫完,就彈番去「入黑」狀態。我心諗可以出體了,意識自己起床,今次第一次由家中開始出體。不過有d怪怪地,我望住自己張床,發覺唔見自己個肉體,只見到我女友個肉體,不過見完就即刻冇埋。望住個影像消失左,張床乜都冇。(唔通肉體都只係由心投射出黎?)

  我穿過房,飛過去隔離屋四圍鴿,穿牆過壁,發現一個人影都冇。
再飛去另一幢樓,影像同現實既屋企好大分別,因為多左成個山坡係窗外。飛飛下見到另一幢樓既窗內有個師奶係度炒菜,我仲聽到油炸既聲,我望住佢,佢又望住我,不過佢個樣好似好惡,係度怒「啤」住我,我就冇理佢,飛走。(點解佢見到我?同大h兄既case差唔多,我懷疑佢係靈黎,唔係人,所以佢見到我。)

  我向大廈既頂處飛,途中又遇到一個小朋友,個小朋友好似想過黎我度,但佢阿媽出現,阻止左佢。個阿媽又係好似個師奶咁,用D唔多友善既眼神,或者係好似好怪異既眼神黎望我。既然佢咁樣,我都冇理佢,繼續飛,想飛上天空,但唔知點解,飛極都飛唔出D大廈。(有D似king蛇果單case。)

  飛唔出,我就向下飛,不停咁向下墮。想入地底,墮左好耐,四圍都仲係好黑,突然間有d野「click」實左我,夾左我係度唔郁得,我不停咁掙扎,之後醒左……@_@"