阿樂方舟的經驗03
今朝要早起，所以訓左四個鐘，之後再訓返。一合埋眼，後頸就震左幾野，心諗今次發囉……^_^
意識好清醒咁進入左黑暗，好快就進入忘記肉體境界，我不斷在黑暗中向前進發，沿途聽到一首歌，「世界將我包圍……XX一齊……」(好似係楊千樺唱)，之後，又聽到FFX遊戲入面戰鬥畫面果陣既BGM，眼前見到「回合制戰鬥」既影像，不過好黑，得個影，但我知係戰鬥畫面。(由始至終都係黑麻麻的)這時我了解到，這是我自己的內觀，或潛意識地帶。(舖頭D客成日播楊千樺首歌，而我前幾日又成日打FFX，所以這些東西已經進佔晒我既潛意識……@_@)聽完兩樣野之後，我好急咁向下跌，好似玩跳樓機。
我有d驚驚地，於是我命令自己「升，升，升……」影像來了，我在馬路中心浮出黎，迎面有架的士衝過黎。
係一個落緊雨既夜晚，我睇下四周，感覺到呢度係「油麻地」一帶，之後我又feel到肉體口乾，醒左……@_@