阿樂方舟的經驗02
今朝十一點，俾隻貓喵醒，出左廳食野去廁所，之後再訓過。
發夢，夢中見到一隻怪獸打緊另一隻怪獸，1hit，2hit，超必，隻怪獸跌左把武器出黎，我即刻走去執……
鏡頭一轉，我出現在一個美麗的山區中，面前有一間好簡樸的屋仔，時間大約是夕陽時間，因為四圍都有一些被陽光照得橙色的草。突然間，我發覺企係我隔離既人，竟然係我暗戀左好多年既女性朋友，以下簡稱Iris。
我行過去，雙手托著她的面，深深咁吻她，她是如此令我著迷。我問佢，點解妳俾我鍚？我係唔係發緊夢呀?iris微笑著，沒有回答，之後她拖著我行上山，我當時很疑惑，冇可能的，一定係發緊夢，於是我向著天，打從心底裡大叫「我唔要幻覺呀……」我知道自己叫得好大聲，雖然聽不到聲音。
就在此時，Iris就像一張紙被火燒一般，在我眼前消失，崩潰……
我的心情不知怎樣去形容，開心？(因為出體)還是傷心？(我朝思暮想著的她消失了)我feel到我自己在哭泣，但也feel到自己像很興奮。我坐左係上路，就像和尚打坐一般，雙手合什地思考。
我知道自己出體了，我坐係度重新組職過思維。開眼後，我命令自己要「睇清楚D影像」。(因為好幪)
一個學生坐左係我隔離，我問佢：「你又想去邊呀？」佢冇回答我，我都冇再理佢，起身向山下面行。在山路向下望，我看見一個海灘，水好清，沙好幼細，好似布吉島咁靚，這個境點也是我由細到大都想去旅行散心的地方－陽光與海灘。我知道這是潛意識作怪，令我在此環境出現。
再行一會，看見一些樓盤，類似大陸那些剛起好的樓盤，還看見一些地產sale係度。唔再看，心諗著要返去「何文田」，不過很像不很靈光，仲企左係度。
腦海突然醒起版友說去「海洋公園」，於是我學佢咁，不斷心諗：「海洋公園海洋公園海洋公園海洋公園……」
我入左一條白光的隊道，我瞬移緊。開眼之後，到了，真的是海洋公園，我在山上，向下望看見好多太陽傘，我在一條欄杆邊，當我想繼續確認位置之後，我隻貓又嘈醒我了，回到了現實。@_@"
嗚……
p.s.我發夢之前打真三國無雙3，打極都打唔到level11武器，所以投射左打怪獸掉寶物的夢。
p.s.「夢與意識投射」一書當中，提到當懷著「批判意識」去發夢，就可以出體，當時如果我跟左Iris去，而沒有任何懷疑，我相信醒後只係一個普通的夢境，反而沒有現在這麼刻骨銘心。