阿樂方舟的經驗
小弟一路都係呢個谷既cd-rom，從未試過出體。但禽晚我訓覺之後，我屋企隻貓嘈醒我，之後半夢半醒咁訓番。發夢，突然間意識清醒，知道自己發緊夢，feel到一種觸電感覺。跟住眼前一黑，手郁唔到，腳郁唔到，成個人feel到浮浮沉沉係一個黑暗虛空度，只有意識仲存在.我心諗，依家咁咪係即係你地所講既俾鬼壓？於是我照你地咁講，想由腳到頭插個靈魂出黎，睇番自己將床，但床就睇唔到，只係feel到一路向上快速咁飛，飛左好耐都仲係四圍黑暗，我繼續個心想住飛上去，冇耐眼前好快速咁出現宇宙，銀河，星星，之後唔知做乜轉左方向，向左橫飛，鳥瞰咁睇到一個類似城市既物體，但同地球既城市原全唔同，因為佢D高樓大廈唔係方角，而全部係圓角既，我好想停落黎睇，但實在飛得太快，停唔到，仲一路係咁飛，最後又俾我隻貓嘈醒……返黎現實世界……
我係咪出體？定係發夢？同埋我點解睇唔到自己訓覺個樣？飛左出太空？點樣可以停？
好難控制……