快樂鼠尾草的經驗(040606)
琴晚訓果陣冇乜「睡前影像」，以為唔會有乜發生。但今朝，又係去廁所同飲完水，番到床上都仲係無乜野。點知就到左以往俾鬼責同出体果個時間(時間真係好準，我記得同前幾次一樣醒來果下都係分針搭正11……=,=)。
我feel到個身飄飄下，不過又係飄唔起，又起唔到身。之後模模糊糊唔知發生乜事。
感到合上眼但看到野(感覺見到額頭部份有個 「方框」見到影像。)，不過見到既野好得意，色彩就好似係玻璃反映咁既，唔係好清楚(可能係由於影像重疊，因我feel到全程都見到自己張被同自己)。
我好似見到一個好似London大笨鐘咁既野，不過好似係倒轉左的倒影，之後嘗試keep住呢種感覺。(好彩無好似之前咁一郁眼影像就消失)
之後又模模糊糊咁，我在心中諗想見到我既愛人。之後眼前一黑。一「閃」去到一間屋裡面(但好似feel唔到有離心力)。見到一個女仔，著住果d卡通好興既有帽既maid 女家庭工人服咁(有點似菜菜子=.=)。
佢真係好似我當時想像咁既，好似佢既形像依足我當時想見既咁，我「諗」住叫佢行埋來，點知佢真係行埋來。仲好似拿住o的野食。
之後又好似想佢做o的野，點知佢做到一半。就feel到要醒，影像同個框框都回復黑暗。
呢o的係咪「心理時間」呢？？？？=.=
幾個鐘之後，又發夢夢到自己好似在夜間坐在一艘有冷氣的遊船咁，好像在上堂……
有個類似阿sir咁既物体教緊好似英文堂咁既野==。船裡沒有什麼燈光，所以能清楚見到窗外，我見到好多密密麻麻的星星不斷向後移(個景真係好靚……我又有諗過會唔會有流星)，我諗係因為船在高速前進之原故。而且我亦見到好似有時有雲霧遮住d星星，隔陣就無左(所以我諗過果架可能唔係船，而係一架飛行工具=.=)。
不過到下午後，打開電視看到「玻璃樽」，一看開頭竟然有個畫面係夜空的星星，個情景就好似我果個夢咁。而且主角又係坐住船仔……同問有冇流星。
於是，我就知道我又預知到電視做乜了。