三山妹的經驗(040501)
由於前日有test既關係，所以我大前晚(其實係前日朝早)溫書溫到5點先訓覺。
因為我出體三次有兩次都係響4、5點，所以今次又諗住試下啦。今次唔知點解，我訓左10分鐘度就出到體啦。
我坐左起身，一張開眼，赫然見到一個女人樣(冇身體，靜係得個透明既樣)望住我，雖然佢個樣唔恐怖，但係我跟本就唔識佢，所以比佢嚇親。我驚到即刻擰轉面望自己個肉身，但發現自己既上半身變左半透明，個頭仲變到完全透明添！
我唔敢擰轉面，所以飛左上天。飛飛下，突然諗起：「我等陣要番學啵！」所以我就講左句：「我要番學!」
講完之後，發現自己去左一個類似大專院校既大門口。我見到一班我識得既人衝出門口，好似放學咁。我望住一個男同學，同佢講:xxx(佢喜歡既女孩子)會諒解你架！
講完之後，xxx同另外三個女同學走過黎，同我講左句：「你終於搵到我地啦！！」
跟住我就醒左啦。