wy的經驗(040508)
今早黃色暴雨，6點幾果時比o的行雷聲嘈醒左。之後再訓過，於是我諗，聽講話醒左再訓過會易o的出體。於是我叫自己保持清醒，精神唔好訓著，可惜我都係鬥唔過睡魔，最後都係訓著左。但唔知點解，我發夢既時候，同出體係一o的關係都無，但突然間，我耳邊又響起了雜音，又出現那種高速向後倒退的感覺。
呢種情況，計埋今次已經係第三次了，但因為當時可能我唔係太清醒，朦朦朧朧，我知道呢個係出體前(或已經出體！？)既訊號。不過當時我想不起，一點也想不起，那種高速向後倒退的感覺要自己停下來才可以出體。那種高速後退的感覺出現時，我只是識得不停地想：「我要出體，我要出體……」但唔係想：「我要停下來，我要停下來……」
一直想著「我要出體……」不知想了多久，總之想到自己醒了……又失敗了！
但今次呢個經驗我覺得有o的奇怪，前兩次都係響夢中知道自己發夢，再想著出體，才會有那種耳邊有雜音，高速向後退的感覺。但今次我不是在發清明夢，是突如其來出現的訊號。唔知係咪唔發清明夢都會有可能出現呢種情況呢？由於今次一o的準備都無，突如其來，所以我想不起將意念集中於要自己停下來，要不然，今次可能我又可以出體了。