Wilson的經驗(040506)
好耐冇黎，呢度好似多左好多人咁……
小弟上星期都有試過出体。我記得係朝早黎o既，但係都係出左一陣，同埋都係自己間房度。因為唔夠一陣就彈返入自己身體。
但係尋晚果次出体就耐得多，首先當我意識到自己係出体果時，就已經飛左上天。跟住望番出去，見到一大片灰色o既雲，就好似係響飛機入面望返出去咁上下，不過係灰色囉……
咁當我知道自己飛左上天既時候，就想試下飛番入自己間屋。係我咁樣諗緊果時，就feel到自己向下衝，然後就彈番入自己身體。
關鍵就係呢度……以住3次出体果時，當我一彈番入自已個身o既時候，就醒左。但今次唔知點解可以再飛出去，咁又飛左上天，之後自己就諗不如飛番香港見下亞媽(因小弟住澳洲)，咁我就不停咁諗番亞媽o既野。
之後就飛左一陣，周圍望出去都係灰色o既雲。咁就唔知點解又彈番入自己個身度……
咁我又以為會醒啦，點知唔係……原來我又可以再飛。
跟住重複左2、3次都係咁(即係飛上天，之後彈番入去，再飛)，中間有一次我好肯定聽到有o的聲，係英文黎既。
仲有幾把聲添，其中有個鬼佬聲聽得好清楚。不過我就冇留意佢講乜。
最後就係感覺到自己訓左係張好硬既床上面。咁我果時諗到可能番左係香港張床上面(我都唔知點解會咁諗，因我香港張床都冇咁硬)。
然後就落床行左一陣，我發覺自己腳步浮浮咁。因我知道我唔可以郁對腳黎行，要用意識。所以好難控制，之後右腳好似撞到o的野，咁就真係醒左。
雖然呢次出体都冇乜做過野，但係已經好開心。起碼比上幾次有進步。而且開始掌握到出体o既感覺。