Silent Hill的經驗(040508)
今早醒了，發現自己比鬼壓。然後感到身體被重野壓住咁，知道係出體訊號。好辛苦咁忍耐唔掙扎。過左一陣就越辛苦，好似就死咁。為左出體，死忍落去……之後覺得身體輕輕地，就用意識令自己出體……
開始睇到野。我飛到窗度，想用手穿過去，但穿唔到。就想起King蛇教的方法：合上眼將手向前，感到手穿過去的時侯好似穿過一道力量咁……好得意……不過我好似好難飛起咁樣……就好似係游泳池底個感覺一樣。雖然輕浮浮，但就點都飛唔到上天花板咁。
我就打算穿過我的房門。我閉上眼睛穿過去，個感覺真係好特別。當我覺得自己穿左過門。之後，我張開眼睛。見到個客廳……不過唔夠一秒我就抽番入肉體……好失望/----\