Seeker的經驗(040508)
第一次係再上個禮拜，果晚我1點訓，跟住2點俾岩岩放工既老豆嘈醒左。之後我順便去toilet，去完見到個鐘大約2點10分左右，再番上床訓。
訓訓下又唔郁得之後聽到o的雜聲，跟住我想可能有機會出體啦∼就試下集中精神。突然間睇到野，好似浮上去咁見到個天花板好近。但因為係第一次太緊張一陣就入番去……
第2次係琴晚，我如常咁訓，訓訓下醒左。感到勁重同埋開始有o的唔郁得。跟住我又知係時候啦∼就好似上次咁，又聽到聲。不過今次o的聲大o的。
跟住又係咁出左，見住個天花板。我今次想睇下自己個身體，我睇到啦∼見到o的被都係我用緊既∼
之後我想去下其他地方。一開始想去一個朋友屋企，唔得。跟住想去太空，都唔得∼
好快就番入身體……
唉……