Mana的經驗(040605)
唔知點解，我一午睡就會比鬼壓……(夜晚好少，試過幾次)
次次一發覺個身唔動得，就同自己講：「咪玩喇，好累呀！比我睡喇！」咁樣，之後好似覺得自己用力一郁，就可以郁返，之後訓返。
不過有一次(大約下午3點左右)，睡睡下好以醒左。不過睇o的野全部係黑白色還有雪花……(好似睇緊一部黑白電視，再加上收得唔清有雪花)
不過我冇睇自己係唔係響床上……(當時唔知有出體呢o的事)當時又感覺唔到自己有身體咁……
好似得對眼咁……
之後覺得自己對眼向房門口望出去，又感覺到對眼穿過左房門(我習慣關了門睡)……
一出房門見到四週無人(畫面一樣係黑白+雪花)。過左一陣(好少時間，大約3~4秒)，之後個人又好似「倒帶」一樣，慢慢向後移……當穿番入房門的一刻，我見到有個「暗螢光綠色的長髮女人」 企響我房門後面角(即我房內)，望注我(樣貌唔係好清)。
因為當時見到o的野係黑白色+雪花，所以好清楚佢係綠色(還好覺眼)。我立即好驚(真係好驚)。突然一醒(開左眼)，立即衝出房……
見返彩色畫面，又發覺o的物品位置同黑白畫面果時一樣。不過因為好驚再見到佢，所以由果次開始，次次一覺得比鬼壓，就不停就同自己講：「咪玩喇，好累呀，比我睡喇！」
就係想講咁多喇∼∼∼