農夫的經驗(040427)
尋晚通哂頂趕project，今朝成十二點幾先有得訓。沖完個靚涼就上床訓覺。我真係好累好累。一上床合埋眼，勁暈，暈到係好過份果隻。
雖然閤左眼，我見到既黑色同平時唔同，唔似係十二點幾關左燈既房咁黑。黑到直頭一粒光都冇。
身體冇哂感覺，但我仲清醒。開頭有少少驚，然後我慢慢放鬆自己。好得意，好似自己包住左成間房咁。唔知你地有冇試過？覺得自己好大，一路一路大。但唔係身體變大，而係一種知覺／觸覺……
之後我試下出體，諗一下上升，我真係就咁成舊野(我唔知果時可唔可以用一舊黎形容)升起左，呢個咁關鍵既時刻我竟然唔記得回頭望自己個衰樣……
我繼續升，好似上次搭果架lift咁，好快好快，越黎越快。由有畫面飛飛飛，飛到無哂畫面(黑哂)再飛，見到光喇。
今次乜building都冇，係宇宙……點解無啦啦上左黎架？？？？我冇話要黎呢度呀大佬！
算！上左黎就睇下有咩好玩，四周無人無物得o的星球，我心入面諗住「我想去一個有地球人以外既高智慧星球。」
黑……
閃……
到左……
頂∼∼
我見到熊貓，係好多好多熊貓！但佢地唔係淨係得黑白色，有紅白、青黑……乜色都有！
好陌生呀個感覺，好不安(唔同上次係黃巴士)，我feel到佢地冇reject我既態度。但我唔想留得太耐(我都唔知驚乜)。就係呢下之後，我背後shock左一下。
醒左……