barbee的經驗(040517)
今日一早比個frd嘈醒左，睇睇鐘又未夠時間番工，於是講左兩句再訓番，訓果時同自己講想出體∼因為朝早無咁驚。之後一路諗……我諗五分鐘左右啦。突然全身麻痺，心諗好野有反應，今次個身同個頭覺得好鬼痺，特別係成隻手。不過果種痺無以往咁突然，好似黎得自然同慢慢強又慢慢弱。
我一路等……唔比自己緊張，好左好多，至少心跳冇過快。之後聽到一把女人聲哼歌，我有o的驚所以就響心入面講：「唔駛咁驚喎！」
之後就覺得o的聲易入耳好多，無咁鬼悽厲，我一路keep住訓晌到。因為我知道唔係時候起身，一定唔得。
又等……之後我心講：「想睇下野。」我意思係睇眼前既野，不過突然就閃左一串串一格格黑白片：第一張係藍球架，由下向上映；第2張係屋村；第3張係街境……etc.
全都係用wide angle由左至右play出黎，相中既景物好舊式，舊到係我有生之年都無見過，響把女人聲伴奏下睇到呢o的景物個feel好怪，之後我一直諗：「我唔係想睇呢o的，我要出去！」點知就開始有番知覺，ｈｕｈ∼掃興……不過即刻打比kilg sir，問下佢我做乜會睇相唔係出體，原來呢o的叫心靈探索∼係好似入定後咁，感覺好得意。唔知睇到果o的景係咪前世呢？