Alfred(040724)
就係4個幾鐘前，我終於有第二次完整既出體經驗。雖然出體既過程好短，又唔係o的咩刺激吸引既野，不過我都想打出黎分享下。因為我都做左成幾個月cd-rom喇，慚愧^^;
容許我講少少垃圾先。尋晚睇完九五至尊，坐左一陣，唔知點解有o的倦意。於是我就走上床訓(我其實之前已經由下午2點訓到8點幾，我都唔明點解仲覺得「支力」)
上到床，我習慣側睡，好自然就打側個人黎訓。但係轉得太側，壓住左左眼黎訓。因為我平時都有時會咁，所以冇在意。
訓左一陣，出體訊號就出現。我知道應該係可以出體喇，於是我就放鬆少少個人，想出體。之後我發覺個人有o的俾人旋轉既感覺，跟住就成個人就好似訓直係度咁。個人開始浮同飛，移動方向係向後咁飛。由腳做頭，好似俾野吸梗，飛出屋外。飛梗既時候，我睇左一眼自己張床(呢個情況好似上左地鐵睇返月台咁上下)。我見到成張床都係深米黃色，我睇到既成個畫面都係咁既色。我見唔到床上果個係唔係我，就被吸左出屋外。
我一路向返屋企個方向望，完全冇望過隻腳(我冇意識要去望，又唔覺俾野拉住)。望返屋企果時，發現第二間屋個露台有三個人「痞」響度。我睇唔到佢地做乜，只係見到佢地個位有泛起圓形藍光包住佢地。果種藍色係深藍色，同藍寶石差唔多。成個畫面好黑，而佢地就泛藍光。攪到我覺得有o的不安，之後定神就諗，難得出體，一定要飛上太空。
之後有種向上飛既感覺，停左之後我發覺好黑，乜都睇唔到。我就諗：「我要睇野！」之後有開眼既感覺。係果時我發覺，原來我一直睇野都冇用左眼睇。頭先見到既野都係單住眼咁睇，所以我就想一齊打開埋左眼。就係我想開眼呢個時候，我發現有o的唔妥，原本係我想開眼，之後真係打開左隻眼，不過係係現實度開眼。個人即刻醒返，又係好似冇訓過咁。
之後我有試過想再出體，雖然有好弱既訊號，不過始終唔成功(可能因為放鬆唔到)，之後就訓到5點幾6點，醒左就打左呢篇野。
其實之前我都試一次，好短既體驗，不過我都唔敢話係出體。只係訓訓下覺得個人係咁轉，轉轉下睇到野。見到自己係個灰黑既擂台俾人舉起，狂轉。見唔到果個係咩人，最後俾佢拎左埋繩角。
個pat pat對正條柱撞埋去，我個人即時醒返，成個人彈起，之後真係覺得好似有俾野撞過咁……
成個過程好短，我連反應，諗下既時間都冇……