小小明的經驗
訓訓下無啦啦耳鳴，我知道可能黎料。等左陣突然成個人咁衝左出去，速度好快，離心力好勁下，成個身都好似俾風包圍住咁，但四周圍都好黑。我又試下諗睇清楚o的，但唔得。飛到咁上下穩約見到一棟樓o既天台，本能反應我試下拉高過身避開，個身係拉高左但速度太快離唔切一野撞左埋去就醒左……但係仲有耳鳴，我又等左陣，佢又係自動咁衝左出去……今次我就試下不停諗住一個人睇下可唔可以瞬間轉移去佢果度。諗諗下眼前閃左一下白光，去左以前間小學。去到一塊落地玻璃面前見到自己，但就變晒形同好蒙，。跟住俾個舊同學見倒(成間學校得佢一個人，但佢唔係我諗果個)我就叫佢咪阻住啦，佢就係要阻住我，我就唔知晌邊度執倒碌木兜野車落去……又醒左……仲係又耳鳴，又等……今次不停飛越一o的類似隧道o既東西，我試下諗賽斯，睇下會見到乜，但係無反應繼續飛。跟住我就懷疑呢o的係咪夢境，就諗我唔要流野，要真野.但又無反應，都唔知飛過左幾多好似時光隧道o既東西……最後醒左但仲有耳鳴……因為o的耳鳴實在係疲勞轟炸一樣，等等下訓著左了……到發夢都係仲有耳鳴==''
我都唔知係咪出體但一定唔係發夢同好清醒。