三山妹的經驗03(040422)
琴晚4點先訓，訓之前仲講左句：「點解咁耐都冇出體o既？」
訓左3個字度，我覺得個後腦開始震，仲聽到o的銅鑼聲，我心諗：「o的訊號唔可以好聽o的架咩？！」我本來諗住唔理佢，照訓，點知已經郁唔到啦，o的聲就越來越大，結果我迫於冇耐都係起左身。
我慢慢落床，諗住望下自己，確認下自己係唔係出左體，點知一望，發現自己個肉身睜大眼，但係又冇視點，好得人驚。我心諗：「嚇死人咩，唔理你！」跟住我就合埋眼，摶命諗住風之谷呢個terms(都係咁o岩諗到姐！)
當我張開眼o個陣，我已經發現自己去左風之谷入面曾經出現過o既地方啦！(註：唔知大家有冇睇過風之谷呢？其中一幕就係講小木蘭同阿mark比一隻識飛o既巨型蜈蚣追殺，最後經過流沙掉左落一個有o的千年古樹化石o既地方.我就係去左o個度啦！)
我跳左落個深坑度，慢慢飄落去，o個度當然就冇蜈蚣啦XD。飄左大約1分鐘度，我穿過左一層黑暗，就慢慢降落左係一個涼浸浸，有好多古樹化石o既地方啦。
我好想走過去摸下o的化石，可惜我一摸落去，我就被番入肉體啦。
呢次係我第一次用瞬間移動，估唔到咁成功！下次等我試下去千與千尋o個度先！