三山妹的經驗02
大前日5點先訓覺，好快就快著左，根住就發左個清明夢唔知點解有個骷髏人攬住我，有o的驚，跟住我深呼吸一下，就不停講「我要出體」啦。
個夢境突然消失，跟住成固人好似比人係上面扯住咁，唔駛幾秒，成個人變得輕飄飄。
我望下自己，原來我成個人已經飄起左，yeah！！出體成功！根住我就試左人生第一次o既穿牆，hehe，又得左！
我爬上窗臺，一野跳左落街(都係穿過個窗)，我乘住o的風，慢慢飄左落去，好舒服^^
落到地下，發現唔係我所住o既地方，而係一個好似商業區咁o既野，o的大廈除左地下果層(g/f)之外，其他都冇開燈o既，所以好黑。我心諗：不如飛上月球啦，於是我就命令自己升上去，但係升到去o的大廈頂樓就停左啦，可能係因為自己畏高啦。
不過我見到一個好靚好靚o既月光，比平時大兩三倍，而且仲好清楚添！！！
欣賞完月光之後，我講左句「既然上唔到去，不如落去啦！」講完之後，我成個人突然直衝落地，衝左4-5秒到，我穿過左地平線，跟住就係漆黑一片，過左陣，我突然間停左，原來自己已經降落左係一個好似住客會所咁o既地方啦。
驟眼望落去，我o既左邊係一o的鐵做o既台燈，有o的人坐係度睇書，有o的人係度飲野，傾計etc.中邊望過去就係一o的好似保齡球軌道o既物體右邊就係一個counter，有個細佬(大約10歲啦).一個染金毛o既女人同另外兩個人(冇留意)
我走埋去個counter度，學阿樂咁問個細佬「喂，你係咩人黎架？」
佢用o的好無奈o既眼神望住我，答「我？我咪係阿雅勒人o羅(好繞口)」
我都唔知佢講乜，於是哦左佢一句就去左搵個女人啦。
我問佢「我可唔可以係度玩呀？」
佢答「咦……我地呢到要book架，只可以o係28號果日黎book，所以而家……唔得啦……」
佢講完之後，我突然番番肉身，而且仲有一種比人躂落床o既感覺添~~唔知係唔係佢想趕我走呢？XD
估唔到第二次出體就可以做咁多野，今日就係28號啦，唔知佢會唔會比我book，跟住比我入去玩呢？