三山妹的經驗
尋晚練心理時間，我望實d黑色，望左大約5分鐘。之後成個人好似發夢咁，諗左去第二度。我響個「夢」入面見到一d自己o既校園生活。大約過左10分鐘度，隻右腳突然震左一下，個心唔知點解好驚，個人好似返返去自己個身體度咁。跟住我就見到係d黑色度出現左d好似人物素描咁o既影像，我睇唔切d影像，不過我肯定o個d人係我唔識o既。大約一分鐘度，我開番眼，諗下之前見到那些，於是決定再試多次。第二次同之前o個次大同小異，都係見到一些人物素描。不過我唔係好明點解我會見到d咁既野？希望各位可以解答下。
另外，練左兩次心理時間之後，我就諗住試下出體啦。我個心係咁講：「我要出體……」唔知幾耐之後我又開始發夢。係個夢入面，我係o係度睇d唔知咩節目。入面出現左兩個嘉賓，個樣樣爆，我就講左句：「好樣衰呀！」跟住先諗到，原來我發緊清明夢。於是我又勁諗：「我要出體……」呢句野係我個心入面重複左十幾次之後，個人好似返返去自己個身體度咁，不過我feel到個腦係度震。成身都變得好輕，慢慢咁沉落去。我好想起身，不過個人好似俾野扯住咁，掙扎左十幾秒之後，我起度身。我「擰」轉面睇下見唔見到自己既肉身，不過當我見到自己半個身既時候，我入番番去自己個肉身，成個過程好奇妙，好真實。
不過我唔知究竟呢d算唔算出體，因為我o既過程同你地o個d好唔同。希望各位可以又幫我解答下啦^^