yen的經驗 05
我最近，成日發夢。好奇怪，向夢入面我知道自己發緊夢。知道自己有得出體啦，就周圍飛。係響夢入面周圍飛，但係我係好清楚咁同自己講：「一係發夢，一係出體。」不如飛下喇，真係飛到呀。我自己周圍飛，又係咁跳。好鬼過癮。
於是我就玩轉移，去一個朋友屋企。但有個人同我講，要講佢屋企電話number先轉移到，咁我講左出來喇，但係都唔得。(=.=)
接下來，我就想轉移去第二個朋友屋企。諗下果個人俾我既感覺……結果都係唔得。
成個過程大約係咁喇，中間又應該夾雜住一D唔知係唔係夢境既夢境，但係向夢境出現左個人，我記得果個人坐左響我屋企既沙發上面，好似教我穿牆過壁。但係我穿極都穿唔到。唔知佢係唔係引導靈呢？？？
好喇，問題時間，希望各位答下我 ^_^
成個過程好古怪，有冇可能係：
1.清醒夢>>>>出體>>>>夢>>>>清醒夢>>>>出體？
2.大家估下果個人係唔係引導靈？
3.我知道因為我成日驚會「砍」親自己，所以穿極都唔可以穿牆過壁，有咩方法可以穿到呀？？？