wy的經驗
今朝早，好早起身，玩左兩三個鐘電腦，再訓過，係o岩o岩發生o既事，當時唔經唔覺，訓著左，開始發夢，初時發o既夢都係都亂七八糟，有一幕，我遇見我細佬，同佢一邊行，一邊傾，我想問佢信唔信靈魂出體，但當時我心諗，未必人人接受靈魂出體呢樣野，於是我問佢另一個問題：「你重要讀幾耐書呀？」佢答我：「4-5個月啦。」於是呢一刻我就覺得奇喇，你o係外國讀緊書架喎(佢而家的確o係外國)，點解我會o係度同你傾緊計o既？唔通我發緊夢？於是我o係夢中做出一d不合常理o既事情，最後終於確定左我係發夢。
確定左我係發夢後，我便嘗試叫自己出體，我在夢中不停地想我要出體，突然，我耳邊響起一些"收音機「tune」唔正台似的雜音，而我就感到被一股就像超越音速的力量向後拉似的(有一種很強的離心力)，這種向後拉的感覺唯持了很久，耳邊的雜音也沒有停過。不知過了多久，我的聽覺恢復了，我聽見我祖母開著電視看晨早新聞及外出晨運時的開門聲，但那種向後拉的力量及雜音還在的……
到呢一步，(我是說我恢復了聽覺這一步)我真係唔知應該點出體了，又一次失敗。