SIUPIG的經驗

www.out-of-body-guide.com

  我一路都有睇開呢個group 架,but冇諗住試……

  我有些問題想問下大家∼thx∼話說尋晚我大約11點度訓左覺,2點幾比我阿媽嘈醒左喎。咁我就一路都訓唔著喇,直到今朝8點幾先訓得著。都幾「累」下架喇。

  then我訓訓下發左個夢,個夢呢係我行緊街,突然間成個人飛起左……之後我就feel到我對腳向上飄,好輕咁……(我係趴係度訓ga)個陣我好驚想起身。但係當我望到野之後,我望到自己隻手放左係個欖枕上面……唔知點解我又有隻手伸去摸……(好真實同埋係同一隻手。)但係摸唔到(好似電影呢d鬼魂摸d實物摸唔到咁囉)跟住我勁驚,我心諗:「我一定要返入去,一定要返入去……」

  之後我再掙開對眼就feel到自己個腦好痺咁同埋見到自己隻手真係放左係個欖枕上面……再望一望對腳我係蓋著被架。姐係我飄上去個陣我feel唔到有被架,最後我再望一望個鐘,我只不過訓左三四個字咋,但係我好精神下同埋我唔夠膽即刻訓。我過左成個鐘先再訓。

  「咁我係咪出左體呀……定係發夢……?我從來冇嘗試過出體架喎,點解會咁既?

  如果係出體,同埋那些係我出體既訊號呀?我的同學個阿媽問我係咪撞野……coz就7月14。我都唔知係唔係……?