star dust的經驗04

www.out-of-body-guide.com

  今日下午四點零左右,聽完bwg(轉左去wav再燒落cdr到用discman聽,多謝版友同king post條link出黎同教我點聽bwg)。訓下訓下冇耐收到訊號,對腳同隻手有些震動,同時又見到有光,跟住就出體,但這次飛唔起,又飄唔到,就咁企左係房到(感覺有點重量),跟著見到有個阿媽係度教仔,叫個仔唔好咁百厭……我嘗試穿牆但失敗,跟住唔知點番左落個身到,但仍未醒,跟住我聽到我表弟把聲,佢話:「表哥,唔係個個指導靈都幫到你架,今次呢度有三位,你試下其中兩位是但一位啦!」跟著我答:「好呀!」然後內心耐心等待,冇耐有「人」從我頭頂拉左我一半出來,跟著再推我背脊,一推就推左我出體,我想飛去外太空,然後自己便慢慢升起,但我隨即改變主意,想見女歌星,我努力想著她台上的演出,跟著自己自動下沉(仍然感覺自己很重),穿過地板但結果去唔到……唔知點樣比d聲嘈到,跟著眼花花又回到身體上,跟著便醒了。