mew的經驗(040418)

www.out-of-body-guide.com

  好幾年前,曾有幾次可能係出體既體驗(冇証冇據,我唔識分……/^^\)。

  1)一次我訓訓下突然起身(好快坐起咁),我覺得自己好似成個波咁向前滾。嚇一跳既同時,我就發現我仲係床上面訓未開眼(發夢??)

  2)之後……我試過訓訓下發現自己全身浮起+雙腳係窗外面(仲要係夾住個窗打唔開,得塊唔推得既玻璃),當我意識到既時候,又發現自己完好咁係張床上面。

  3)至嚇人係呢次……訓訓下醒左。但全身唔郁得之餘仲向上浮(當時仍未打開眼),當我一邊驚有野搞鬼,一邊決定開眼確認。開眼唔到一秒我又發現自己冇事訓係床上面……但我記得我好似近距離見到自己個天花……

  有時要訓既時候會全身郁唔到(幾年前特別多)……如果唔及早反抗就會出唔到聲+甚至見到隻手有殘影(好似一分為二?)……不過我通常都會掙扎去變返正常。

  雖然好好奇如果我唔反抗會點,但實在怕如果係真既可能會一去冇回頭……/^^\