lineage2的經驗 07
其實我都唔知係唔係所謂你地講的高靈或指導靈，不過我將件事盡量講出來啦！
今天一早醒了，打算出竅，我就躺在床上。因為天氣開始冷的關係，又流鼻水又周身痕，搞到我無心機繼續進行出體。我就決定今次唔用冥想出體了，我就繼續睡，睡前我在心中暗示自己要在睡夢中出竅。我還記得夢中……
在夢中，我在一個好似宿營的房間裡。我躺在床上(我唔知自己發緊夢的)。我見到床邊有個人睡係隔離，係個女仔來的。個女仔同我講話我發緊夢，我果陣唔信，重話佢痴線(果個女仔係我舊年讀F.5果陣一個女同學，呢個女仔之前話過鐘意我，但係我怕醜，最後我都無同佢一齊拍拖，而家都好後悔當初自己點解會咁怕醜。)
佢話同我一齊去玩，我話好 (重要事項：果陣發夢唔知點解我沒有咸濕思想。)我拉起我隻手，我就醒了……
我知道頭先原來發夢，醒左之後我開唔到隻眼，我個身重有好強烈出體訊息。我記得睡前暗示自己要在睡夢中出體，我想現在可能要出體。我等訊息完後，我就起身。我感到起身時好似從D沙度爬起身，我就知道出體成功。我見到我間房個櫃度有舊白色野 (唔係光又唔似所謂咩餃子，總之一舊白色野)舊白色野重會講野，把聲音居然是果個女仔。我問：「你係咩來？你係咪XXX (佢個名) 定還是高靈？」舊白色野無答。我睇下個天空又係好似這幾天下午五點幾咁，一樣好似橙橙紅紅色好似南瓜果D色咁樣。之後舊白色野叫我跟佢行，我感到有一種無形的力量吸引我跟住飛，我可以自己控制來飛，但一放鬆就會跟隨白色野飛。我問佢好多野，不過好多時問佢，佢十問九唔答，只係笑。又或者唔知佢答我D咩，我完全唔明白佢的意思。
後來飛到一個好得意的地方，個地方有好多大石頭浮在空中。應該唔會是大石頭，應該係山來的。一個上下反轉的山，好多山浮在天空中。上面有城市，係一D好靚的古代城市。但我全未見過，我問佢係咪天堂？佢又笑，話呢個只係普遍的骨骼城市。我唔明佢講咩，但好多時問佢，佢又唔答我。佢突然叫我：「牛奶仔，我地就去到啦！」佢竟然叫我平時個花名……我覺得佢真係好似果個女仔，但我只係見到佢係一舊白色野。佢去左一間大屋個花園，我覺得間大屋似城堡多，因為好大又靚又有好多人係度幫D花澆水。果度我見到間間屋都好大，我問佢：「你點知我個花名叫牛奶仔？你係咪XXX呀？定還是你係叫高靈？」
佢終於回答我個問題：「我係你的印象……可以叫我高靈……我唔mind……」佢話我唔mind呢句說話真係好似果個女仔平時講野的語氣，佢就話：「你下次重想唔想見到我？」我話：「但你好多問題都唔答我，點解？」佢話：「我唔可能答你四號外影的問題……你重未到達要知道這些事的層XXXXXXXXXXXXXXXXXXXXXX (唔記得加唔知up咩)」
我話：「呢度好靚，我好開心！」我又問多次：「點解你把聲會同我鐘意的女仔一樣？」佢答我：「咁你都可以叫我kiki(kiki係果個女仔個英文名)」之後我開始有D濛濛了。
我醒了，我係知道我真係出竅過，但我點都唔知究竟個舊白色野係果個女仔出體後找我，還是高靈來的。不過我覺得高靈完全不像你們所說的餃子，又不是發光的物體，我只覺得好像一堆白色的麵粉又好似一張紙咁樣，你地有冇高人可以話比我知究竟個舊野係咪高靈？