lineage2的經驗 06

www.out-of-body-guide.com

  呢排差唔多每晚睡覺都會由夢境然後突然醒左,醒左係身體郁唔到但意識清醒。通常都會收到出體訊息之後就出竅。

  我研究左出竅唔耐,所以有好多野唔明。例如我今早訓訓下,突然間醒左收到訊息。我就放鬆個人,等左一陣訊息停了。我就好似平常起身咁坐起身,我回頭看到自己睡在床上。我之後想起埋下半身,我覺得好似拉住左。所以我用意識大力d令自己出體,唔知點解呢個時候我一大力咁起個身,我睇住自己個肉體會坐起身,之後個肉身同我合番埋一齊。我成個人飄起左,但同時發現我沒有睡在床上。

  我可以用意識去飛,但係今次穿唔到牆。我睇出街見到個天好似黃昏咁,我覺得好靚,但我無法穿過窗口。我飛去我阿媽間房,唔知點解我去到我阿媽間房的時候就飛唔起。我睇下個鐘係下午三點幾(出竅果陣)。我阿媽居然見到我,重同我講野。我話比我阿媽知我識飛。問我阿媽要唔要睇?我阿媽話我痴線,我就想飛比我阿媽睇,但點樣都無法飛起。之後我醒了。我看看個鬧鐘係早上來的。