HOI(小魔女)的經驗
日期： 2003年9月10日 AM 08：44
我剛剛11點幾(pm)去訓嘗試過等出體，失敗左。係訓左o既，發埋夢，醒左，然後我又再訓過，再訓果陣，突然間全身好痺好痺，痺到全身冇晒感覺。好怪好怪，又感覺到自己方向感冇晒，已經唔知自己個頭向住邊一面，對腳又o係邊一面(即係東南西北果D方向好混亂)。然後我諗起可能係出體訊號，咁我就即刻嘗試起身，我真係起到身覺得自己輕左好多，繼而飄起，我就試下另轉身係咪真係會見到自己訓緊覺，哈哈，真係見到自己訓緊覺，我o係我個肉身上面三呎左右，第一次見到自己個訓覺樣，感覺驚嚇……不太好睇……
跟住我就想穿過我房度門出去，但我穿唔到，我間房冇窗，而房門果邊o既上方，係有一條兩呎高o既罅。我就由果條罅出間房出面，我見到我亞哥o係電腦前面玩緊呢(我醒左問佢覺唔覺我出過黎，我訓緊果陣有冇見到我出過房，佢話冇)。我冇理佢，立即走去晾衫果度，見到果陣係日頭，而且橫風橫雨我就由果度跳落去，離心力好勁~好好玩。o係就到地o既時候，我打算要向上飛，曾經諗過自己飛唔起，我開始要向上飛果陣，又突然唔知去左邊，一個全黑o既地方，o係我前面，我就見到1點左中右有3種顏色(左邊紅色， 中間藍色， 右邊黃色)o既光，呢1點光閃左3次，然後就閃左3次 1點白色o既光，之後我就醒左。
我醒左就即刻抄低頭先呢個過程，然後……我醒左……原來頭先我係假醒左，今次就真係醒左，我以為醒左o既時候會係4點幾，我睇返個鐘只不過係1點05分左右。
謝謝^^
出體果陣又真係好鬼好感覺 ^_^