Dota的經驗(040425)
第一次出體，唔係太識control。但feel到個覺感同發夢真係好唔同。
尋日發發下夢搭lift，有一下醒覺，知道自己係發夢。於是同自己講我要出體喇∼∼
一聲下令成部lift變左一間會飛既學校，係咁向下飛。好強既離心力，因為第一次出體，唔係好識controlo個種覺感。我心諗：「夠喇∼」之後成間學校停止左。
我飛出門口見到既係一個好陌生既地方。但好熱鬧，好多商場同奇怪既buildings。我見到有一個女仔好靚，走上前去問：「呢度咩地方呀？」佢話：「california！」
然後佢消失左，我知個女仔係想幫我既。因為我覺得佢係想叫我過去問佢野。
第一次出體梗係要玩下飛，我飛左一陣見到個城巿真係好靚。但有少少唔似現實。dcolourtone同地球既城巿唔同。
我又諗，不如試下轉移。我心入面諗住黃巴士黃巴士∼∼(我都唔知自己做乜鬼野諗黃巴士……)
之後好黑好黑，乜都冇哂。鏡頭一轉就入左一架乜都係黃既巴士
架巴士唔太大。但一定唔係城巴呀佢所有野都係黃，連windows都係。
我又見到o個個女仔，佢主動同我講：「你知唔知你做緊乜？」我諗佢可能係驚我亂走會出事，因為巴士入面有好多好多「人」。佢地都唔似係友善，我唔係話佢地個樣惡。而係feel到個氣氛怪怪。
我冇答個女仔，個女仔就話：「不如我搣你一下，你乖乖地返返出去啦，呢條路唔o岩你架。佢二話不說，搣左一下。
我醒左，個感覺好好好好好實在。但我身體冇俾人搣既感覺同記號。如果有的話就正……
題外話：
個女仔真係好靚，我肯定我自己有生之年未見過佢。佢個feel好佢好似識左好耐咁。佢又唔係十分友善既樣子。但見到佢我覺得係果個陌生既地方都好安全。
唔知你地有冇試過見到o的咁既「人」？