barbee的經驗02(040419)
自從半年前試過mind awake/body asleep之後，就半年都無出竅既symbol。
頭先午睡，都唔係午喇，係8點。見有o的累我專登走去訓。
訓左約10分鐘，真係訓左仲開始埋發夢，點知我隻狗吠，我就醒一醒仲同自己講，又出唔到訓左覺。
再訓既時候我就係咁keep住想出體，之後約唔夠1分鐘突然有種全身過電既感覺。吸收左上次經驗今次我定好多，知道有symbol。
過電麻痺感突然貫穿全身既感覺只有幾秒，之後我就意識到自己身體熟睡但思考清楚，無耳嗚。但即時有把男人聲笑同吶喊，超大聲！我覺得似想叫我起身，今次叻女唔驚，但心跳始終莫明加快，我即刻同自己講我唔驚，唔想聽，命令自己快o的出體，但好奇怪無視線，乜都睇唔到，我同自己講要視線清晰，然後我就強行張開眼。
突然間我有種覺得自己張開左肉身對眼既感覺，係半開左見到強光，我想坐起身但睇唔到野。
我唔肯定係咪但已經即時番到身體，一開眼就知自己心急過頭。前後只有10秒……又衰左！
結論**我覺得訓訓下覺紮醒再訓會易好多，可能好累但當時意念只有「訓」同「出體」。意志夠集中，好似king sir講既睡眠時間法。
**我覺得出體symbol未完我就強行走出同開眼，所以令我失敗，下次再努力！