barbee的經驗
日期: 2003年9月10日 AM 08:46
我講番其實係今朝，我同朋友講完電話……係極為眼訓之下訓左，而且係進入夢境左一陣，但約10分鐘就紮醒左！咁我翻一翻身再訓過既時候，我訓晌到*(我打側訓)就諗住你地講既出體方法，一面訓一面提住自己要保持清醒咁訓！我諗太累既關係，我講左3-4次之後已經好似訓左咁，但突然間有一種聲嘈一嘈醒，身體就好似平時腳痺咁，但無你地講個頭後有咩感覺囉，不過聽到一d好難聽既聲……有點兒似晌水底+晌管道入面個d好立體好得人驚既聲。
之後我第一時間知道一定係有signal……果種感覺我好驚呀！個人似實非實……我張開左眼見到有d白影晃動，而且個時係天光，我唔敢睜大晒眼只係睇d睇d咁……之後有嘗試起身，但驚過頭……之後我20秒到已經番左身體，而且係look大隻眼。100%知道出體同發夢係完全兩回事……未試過驚成咁…之後等左一個鐘先敢訓番。
king sir……我想問個種無重，又聽到怪聲既感覺係咪晌出體時一定有？定係會完ga個signal？因為個d聲好恐怖……
同埋我見到既晃動既白光係咩意思？我如果堅持坐晌身會唔會就成功？
同埋其實由我紮醒至有signal係好短時間，都唔知有無一分鐘，係咪因為累就會有助出體？而且我想知道我出左體之後係咪立即可以穿牆？
我最怕係出左體見到d恐怖野……成日聽你地講咩餃子……好驚……希望你可以幫下我，同埋點樣克服果種恐懼，因為我真係驚得好利害……我唔知點形容個種感覺。
而且唔會見到鬼ga？100%help！！同埋其實我係有d開心ga今朝∼！我即刻同哂d朋友講∼雖則比人話我痴左線∼