Alfred的經驗

www.out-of-body-guide.com

  尋晚由6點pm訓到11點pm,所以我夜晚好精神,到4點am先上床訓。上到床無耐,突然好眼訓。我自然轉返我平時習慣偏左既睡姿,之後同平時就訓著既時候一樣咁,慢慢訓著。但係就係就訓著既時候,我身體就由背脊開全身麻痺。係果時我就諗,唔通我都可以出體?於是立即想住出體,而係我諗緊既時候,我既睇到既野係全黑,而且係黑得好緊要,平時未見過咁黑。係我想完出體之後,我即時就想到去宇宙,跟住我個心離一離,就上到宇宙,上到去我發覺我仲係側住身,而視線只係好似平時咁見到d星。之後我就轉身,係呢個時候,我發現本來係我身後面,有個好似係銀河既野,但係同平時橢圓形既銀河唔一樣,佢係一個好似想逆時針轉既卍字,但係佢既右下方既部份係唔完全,當時我覺得佢好似重生緊出黎咁。就係我想諗野既時間,我身後有一個訊息,佢唔係說話黎。我接收到既時候,唔知點解,個心好似識解讀咁,浮現出「係佢喇」呢個意思。而我自己覺得好怪,心諗「係佢喇?」,到底咩事呢?就係呢個時間,我心中一寒,覺得有d不安,之後好自然想走,跟住就醒左。

  但係仲未完……

  我醒左之後覺得好累,跟住就開始想訓。但係就訓著時,又出現之前既出體o既訊號,我停左係全黑既狀態下諗左一諗,覺得好似幾危險,於是命令自己要醒。醒左之後張開眼,睇左四周圍幾眼,覺得好正常,肯定自己係醒既,個心定返,但係依然好累,又去訓過。

  但係好無奈,訓左一陣,又出現出體訊號,而且麻痺既感覺好似個wave咁係背脊一個又一個擴散全身,之後入左全黑狀態下,我覺得似乎係有d野我要知或者見。於是我放鬆,想出體。之後我見到自己係返間房度,個視點同我訓既姿態一樣係打側,跟住我想,不如落床睇下,一想個陣,我就轉移左落床。但係我發現個視點比平時低(我身高180cm),好似小學生咁矮,再睇下個地,我發現自己冇腳,但隱約見到上半身,而且係冇著衫。我用手摸自己,雖然feel到有d存在既感覺,但好唔實在,我再睇下四周,本來都幾黑o既房入面,係窗外有黃光射入黎,我覺四周既影像唔清,於是我心諗,我要睇得清d!之後係清左d,但係視線既邊緣有d曚,再望下道黃光,即刻令我覺得成個世界有d黃昏破滅既感覺。我唔想再睇,於是我想行出廳,行既時間我覺得我似係好穩定咁飄出去。出到去我先發覺廳既擺設同現在既好唔同,再諗諗原來連間房都係咁,有d好似係過去既擺設,有d又完全未見過。即時覺得陌生,有d驚。於是我想返返個身體度,之後就轉移左返去,連視點都係側左既,但係我發覺我醒唔到,離開唔到果個空間咁。突然有隻好冰凍既手摸我背脊(個位同麻痺擴散個位差唔多),感覺凍得黎好舒服。我將集中點由後面移返前,之後見到一個好似餃子咁既小朋友,用右手托住個頭,對住我笑,個樣好得意,而且個樣係前所未有咁清,清到我都唔知點形容。之後我覺得頭先隻冰凍手摸我個胸口近心個位,之後再摸我左邊腎個位,都係覺得凍得黎幾舒服。之後隻手竟然摸我下身,我突然覺得有危險咁,之後由我眉心上dd個位,發出一個wave咁既野,擴散全身,之後我好似醒一醒,就係呢個時間,我亦覺得超疲累,好似失去知覺咁。訓著左,醒個陣已經係今日下午3點2,起身仲有一種個心離一離,坐左好耐,先覺得個腦好似有樣野移返前(好似個靈魂由身後入返個身,之後再對齊咁)。