睡覺前可以幫助出體的方法
by alittlefish(050104)
我想分享一下，睡覺前可以幫助到出體的方法，因為我有做開夢的紀錄(包括出體和出體前前後後做過的事)，所以當我回顧過去一年的紀錄，我發現如果我在睡前做足這些功夫，我就多數會出到體(70%)：
1)睡覺前一小時沖番個靚涼，包括洗臉刷牙。(夢紀錄中，我大部份的出體都係在睡前一小時沖涼的，我想因為沖涼可以將皮膚的污垢及多餘的油清除和分解，令靈體穿過皮膚時比較容易和順暢，所以無論點凍，我晚晚都一定會沖涼）
2)最好的姿勢係靠右邊打側睡，其次係平躺。(我出體成功通常都係靠右邊打側睡，出唔到就係因為靠左打側睡，好奇怪。)
3)睡前大聲說：「我今晚在睡夢中一定要保持清醒，準備出體。」然後就立即睡，唔好再胡思亂想，停止一切內在對話和思考。(好奇怪，如果我無做呢樣野，就多數無出體，而且連發咩夢都唔記得，全無印象。)
4)睡前要保持心靈平靜和安泰，唔好發脾氣(真係架)，唔好唔開心，唔好有任何負面的思想，唔好虛耗能量，盡量想一些開心的事，做一些正面的事情，儲存更多的能量，以便出體。(如果我果晚唔開心和同人有頂撞，就多數出唔到體，可能因為虛耗左太多的能量。)
以上純屬個人意見，最後祝大家日日出體，出入平安！